Biznesi dhe Shoqeria
 
Qysh nga krijimi i shoqerise njerezore, lindi nevoja e ndarjes se prodhimit te te mirave materiale dhe si pasoje edhe i shkembimit te mallrave e produkteve te domosdoshme per jetese, fillimisht brenda fisit, midis fiseve e tribuve dhe me vone midis qyteteve, kombesive e popujve, me lindjen e formimin e ketyre te fundit. Keto ishin edhe fillimet e shkembimeve tregtare te cilat u intensifikuan se tepermi, fillimisht nepermjet pushtimeve e me pas zbulimeve te medha te cilat i dhane nje hop te madh sasior e cilesor zhvillimit te tregtise si nga Lindja (nepermjet Rruges se Mendafshit etj.) ashtu edhe nga Perendimi me zbulimin e Amerikes, Indise etj. nga eksploratoret e medhenj te shekujve XV-XVIII. Ne kete kohe filloi edhe krijimi i shtresave te gjera e te fuqishme te tregtareve te cilet filluan te luajne gjithnje e me shume nje rol me te fuqishem ne forcimin e zhvillimin e qyteteve, shteteve e kombeve.
 
Biznesi dhe Politika
 
Dalngadale, tregtaret e medhenj po beheshin gjithnje e me teper edhe percaktues me rolin qe ata luajten ne fillimin e luftrave apo pushtimet e reja dhe sidomos nepermjet financimit te ketyre fushatave duke ndikuar shume here dhe duke u bere percaktues edhe ne fitoren apo humbjen e tyre. Ne kete menyre, ata u perfshine drejtpersedrejti edhe ne politiken e shteteve te tyre, fillimisht, kryesisht ne politikat e jashtme dhe me vone edhe ne politiken e brendshme te shteteve te ndryshme. Ne disa raste roli i tyre ka qene percaktues deri edhe ne formimin, zhvillimin dhe ruajtjen, apo ne raste te tjera zhdukjen e disa kombeve, siç ka ndodhur me jo pak popuj ne historine e gjate te zhvillimit njerezor.
Roli i biznesit ne politike ka patur gjithmone nje ndikim te fuqishem dhe sidomos ne kohen e sotme kur ndodhemi ne kushtet e nje ekonomie te tregut te lire te globalizuar, ku teknologjia dhe shkembimi i informacionit ka arritur nje shkalle te larte perfeksionimi, kur konkurenca eshte gjithnje e me e eger dhe ku politikat ekonomike te shteteve mbeten ne themel te te gjithe politikave te tyre, si ato te brendshme, ashtu edhe ato te jashtme.
 
Biznesi dhe Fqinjesia
 
Suksesi i çdo biznesi eshte te krijoje lidhje bashkepunimi e shkembimi te mallrave, ideve dhe hartimit e zbatimit te politikave me interes te perbashket e reciprok brenda vete shtetit, me vendet fqinje, ato te rajonit dhe me pas ne rang boteror. Nje politike e mire bashkepunimi tregtar me fqinjet eshte nje premise dhe nje baze e fuqishme per te zgjeruar ndikimin e komunitetit te biznesit te ketyre vendeve me vendet e tjera ne rajon e me gjere.
Çelesi i suksesit te forcimit te ekonomive dhe stabilizimi politik, ekonomik e social i vendeve te Ballkanit Perendimor si Shqiperia, Maqedonia, Kosova, Serbia, Mali i Zi etj eshte pikerisht thellimi i bashkepunimit tregtar midis ketyre vendeve dhe hartimi e zbatimi i politikave te perbashketa per zhvillimin e ekonomise dhe mbrojtjen e bizneseve perballe sfidave te konkurences gjithnje ne rritje ne rrafshin europian e ate boteror. Kjo do t’i ndihmonte keto vende edhe ne perballjen me sfidat e integrimit ne BE.
 
Biznesi Balkanik Europa & Mesdheu.
 
Vendet e Ballkanit, duke i kushtuar nje vemendje te veçante forcimit te marredhenieve tregtare midis tyre dhe me vendet e BE, ato duhet te mendojne seriozisht edhe per nje ridimensionim te ketyre politikave me vendet e Mesdheut qe nga ngushtica e Gjibraltarit e deri ne vendet qe lagen nga Deti i Zi. Kjo politike mund te fillohej mbi nje baze krejt te thjeshte e reale siç mund te ishin marreveshjet dy-tre apo shume paleshe midis porteve te shumta te cilat ndodhen ne kete hapesire dhe kane nje aktivitet jo pak te fuqishem, per te kaluar pastaj dalengadale ne hartimin e nje Pakti te Perbashket Bashkepunimi Tregtar Rajonal Mesdhetar.
 
Krijimi dhe zgjerimi i BE dhe i Eurozones, OPEC, Konferenca Islamike etj. synojne pikerisht mbrojtjen e zhvillimin e politikave tregtare te shteteve anetare kundrejt ngritjes ekonomike dhe politikave ekonomike e tregtare te shteteve apo te blloqe shtetesh te tjera ne zhvillim e siper aneembane globit, krahas organizmave te tilla ne rang boteror si OBT, FMN, BB, BERZH, Banka Islamike etj.
Nje shembull i sotem konkret eshte rasti i krizes ekonomike greke ku BE po ben perpjekje reale per te ndihmuar kete vend nepermjet nepermjet mekanizmave te vet financiar per te dale nga kriza dhe njekohesisht per te mbrojtur edhe vendet e tjera anetare te saj nga ky fenomen.
 
“Grand εξ”

Me kete rast, une deshiroj te theksoj se ne kete aspekt nje rol iniciues per forcimin e lidhjeve dhe bashkepunimit te komunitetit te biznesit te vendeve te rajonit tone e me gjere ka dhene dhe po jep “Grand εξ” nepermjet organizimit te aktiveteteve te shumta sensibilizuese, takimeve, konferencave etj. me perfaqesues te bisneseve e kompanive nga i gjithe rajoni yne e me gjere. Gjej rastin gjithashtu te falenderoj edhe z. Aleksander Lani, Presidentin e “Grand εξ” per kontributin dhe mbeshtetjen e dhene ndaj bizneseve shqiptare siç kane qene pjesemarrja e tyre ne aktivitetet e ndryshme te organizuara ne Greqi, apo edhe organizimi i aktiviteteve te tilla edhe ne Shqiperi dhe padyshim edhe ne Rajonin e Kukesit.